ਇੰਗਲੈਂਡ 'ਚ ਭਾਰਤੀਆਂ ਦਾ ਬੇਹੱਦ ਸ਼ਰਮਨਾਕ ਕਾਰਾ, ਟੁੱਟ ਗਿਆ ਭਾਰਤ ਦਾ ਮਾਣ ਸਾਰਾ

ਲੰਡਨ— ਇੰਗਲੈਂਡ ਵਿਚ ਭਾਰਤੀਆਂ ਦੇ ਬੇਹੱਦ ਸ਼ਰਮਨਾਕ ਕਾਰਨਾਮੇ ਨੇ ਇਕ ਵਾਰ ਫਿਰ ਭਾਰਤੀਆਂ ਨੂੰ ਅੱਖਾਂ ਝੁਕਾਉਣ 'ਤੇ ਮਜ਼ਬੂਰ ਕਰ ਦਿੱਤਾ ਹੈ। ਇੱਥੇ ਨਾਬਾਲਗ ਲੜਕੀਆਂ ਨੂੰ ਵਰਗਲਾ ਕੇ ਉਨ੍ਹਾਂ ਨਾਲ ਸਰੀਰਕ ਸੰਬੰਧ ਬਣਾਉਣ ਤੇ ਉਨ੍ਹਾਂ ਨੂੰ ਜਿਮਸ ਫਿਰੋਸ਼ੀ ਦੇ ਧੰਦੇ ਵਿਚ ਧਕੇਲਣ ਦੇ ਦੋਸ਼ਾਂ ਹੇਠ ਭਾਰਤੀਆਂ ਸਮੇਤ 11 ਲੋਕਾਂ ਦੀ ਗੈਂਗ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਉਨ੍ਹਾਂ 'ਤੇ ਮੁਕੱਦਮਾ ਚਲਾਇਆ ਜਾ ਰਿਹਾ ਹੈ। ਇਨ੍ਹਾਂ ਦੋਸ਼ੀਆਂ ਵਿਚ ਭਾਰਤ ਤੋਂ 45 ਸਾਲਾ ਵਿਕਰਮ ਸਿੰਘ, ਹਰਮੋਹਨ ਨਾਗਪਾਲ, ਸਾਜਿਦ ਅਲੀ ਸ਼ਾਮਲ ਹਨ। ਗੈਂਗ ਵਿਚ ਭਾਰਤ ਤੋਂ ਇਲਾਵਾ ਬਾਕੀ ਏਸ਼ੀਆਈ ਦੇਸ਼ਾਂ ਦੇ ਲੋਕ ਸ਼ਾਮਲ ਹਨ, ਜਿਨ੍ਹਾਂ ਵਿਚ ਆਸਿਫ ਹੁਸੈਨ, ਸਾਜਿਦ ਅਲੀ, ਸੋਹਲ ਕਮਰ, ਅਕਬਾਰੀ ਖਾਨ, ਫਾਸਿਲ ਇਕਬਾਲ, ਅਰਸ਼ਦ ਜਾਨੀ ਆਦਿ ਦੇ ਨਾਂ ਮੁੱਖ ਹਨ।
ਇਨ੍ਹਾਂ ਦੋਸ਼ੀਆਂ ਵਿਚ ਸ਼ਾਮਲ 45 ਸਲਾ ਭਾਰਤੀ ਵਿਅਕਤੀ ਵਿਕਰਮ ਸਿੰਘ 'ਤੇ ਇਕ 12 ਸਾਲਾ ਲੜਕੀ ਨਾਲ ਸਰੀਰਕ ਸੰਬੰਧ ਬਣਾਉਣ ਤੇ ਉਸ ਨੂੰ 60 ਵਿਅਕਤੀਆਂ ਅੱਗੇ ਹਵਸ ਦੀ ਭੁੱਖ ਮਿਟਾਉਣ ਲਈ ਪਰੋਸਣ ਦੇ ਦੋਸ਼ ਹਨ। ਵਿਕਰਮ ਸਿੰਘ 'ਤੇ 16 ਸਾਲ ਤੋਂ ਛੋਟੀ ਉਮਰ ਦੀਆਂ ਲੜਕੀਆਂ ਨਾਲ ਬਲਾਤਕਾਰ ਦੇ ਚਾਰ ਦੋਸ਼, 13 ਸਾਲ ਤੋਂ ਘੱਟ ਉਮਰ ਦੀਆਂ ਲੜਕੀਆਂ ਦੇ ਨਾਲ ਬਲਾਤਕਾਰ ਦੇ ਤਿੰਨ ਮਾਮਲੇ ਹਨ। ਇਸ ਗੈਂਗ ਦੇ ਲੋਕ ਪਹਿਲਾਂ ਨਾਬਾਲਗ ਲੜਕੀਆਂ ਨੂੰ ਤੋਹਫੇ ਅਤੇ ਸ਼ਾਰਾਬ ਆਦਿ ਦੇ ਕੇ ਭਰਮਾ ਲੈਂਦੇ ਸਨ ਅਤੇ ਫਿਰ ਜਦੋਂ ਉਹ ਉਨ੍ਹਾਂ ਦੇ ਜਾਲ ਵਿਚ ਫਸ ਜਾਂਦੀਆਂ ਸਨ ਤਾਂ ਉਨ੍ਹਾਂ ਨੂੰ ਅੱਗੇ ਵੇਚ ਦਿੰਦੇ ਸਨ। ਇਨ੍ਹਾਂ ਦੋਸ਼ੀਆਂ ਦੇ ਬਿਆਨ ਦੁਭਾਸ਼ੀਆਂ ਦੀ ਮਦਦ ਨਾਲ ਅਦਾਲਤ ਵਿਚ ਦਰਜ ਕੀਤੇ ਗਏ।